الجواز ببساطة!

الجواز ببساطة!
منذ : 6 اشهر, 2 اسابيع, 3 ايام, 7 ساعات, 7 دقائق

الجواز ببساطة!

‎الجواز والبطيخة واختيار شريك الحياة، وفرحة العمر أو تدبيسة العمر، كلها مسميات بتعقدنا من الفكرة من قبل ما نبدأ فيها.

بِسْم الله الرحمن الرحيم اتعقدت خلاص، بنحس إنه قرار صعب ومصيري فبنخوف نفسنا من قبل ما نبتدي، وخدي الي بيحبك ولا الحياة بتتعاش مرة واحدة واخد اللي بموت فيه، ويعني إيه حب أصلًا؟ هو أنا فعلا بحبه؟ طب لو بحبه هو الحب لوحده كفاية؟ هو الحب بيعيش؟ طب بيعيش لإمتى؟ طب عقل ولا قلب؟ ولا أخد إليّ ظروفه مستقرة؟ ولا يا واخد القرد عل ماله. مفاهيم ومعتقدات وأفكار بتلخبطنا وتعقدنا فى الاختيار. ابسطهالك!

خدي إللى ترتاحي له!

‎اللي لما تبوصي ف عينه تحسي إنك مستريحه، مش شايلة هم، مش خايفة منه، مش شاكة فيه، مطمنة. شايفة معاه بكره أحسن، شايفة عيالكو مبسوطين وسويين، على رأي الفنانه نانسي «بصاله في عينيه كأني أنا بصه في مراية»، فيه حته منك، ممكن متعرفيش هي ايه بس فيكو من بعض. وانتو بتتكلمو الكلام ماشي زي الماية في المجرى بتاعها، الدنيا سالكة وماشية، في حد كل ما تكلميه متستريحيش، مبتعرفيش تقولي ال عايزاه بتفكري فى ٥٠٠ حاجه وإنتي بتكلميه. أهو ده الي تجري منه.

‎ببساطة أكتر خدي الي معاه تبقي إنتي، إنتي مش حد تاني.

 

المصدر الدستور

الكلمات الدليلية
سياسة التعليقات لموقع ايه الاخبار
إن جميع التعليقات والمشاركات المدونة هنا إنما تعبر عن رأي كاتبها . ويكون مسئولا" عنها مسئولية قانونية وأدبية عن هذه التعليقات والمشاركات. ونهيب بجميع القراء والزوار الابتعاد عن التعليقات غير الهادفة أو التي تسئ لأي شخص أو جهة بأي حال من الأحوال .
التعليق بالفيس بوك